29. 11. 2018: Фестівал і інавґурація поштовой знамкы з Богородіцёв

9-го новембра 2018 на святій літурґії у Ґрекокатолицькім катедралнім храмі св. Іоана Хрестиьтеля в Пряшові святочно одкрыли 27-ый рочник Меджінародного фестівалу духовных пісень візатійского обряду, котрый проходив  до неділї, 11-го новембра 2018,. Окрем домашнїх  хорів із Пряшова, Кошіць і Братїславы, на фестівалí выступили і хоры з Прагы, Брна і Львова. Орґанізаторами фестівалу были Ґрекокатолицьке архієпіскопство в Пряшові і Здружіня сакралны співы Выходу. Фестівал быв присвяченый Юбілейному року Пряшівской єпархії.

В рамках суботнёго проґраму 10. новембра 2018 одбыла ся і інавґурація поштовой знамкы, де є зображена ікона Краснобрідькой Богородіцї, котра є так само присвячена споминаному юбілепю.

-ак-