28. 8. 2020: Елена ХОМОВА-ГРІНЁВА: Телятко, Лишка, Жабка (Стишкы про дїти)

Елена ХОМОВА-ГРІНЁВА

Телятко

Скаче телятко по луцї,
докола сі выскакує,
муху хвостиком одганять,
ножков травку выкопує.

Призерать ся ёго мама
што телятко настваряло.
„Му-му, муму, мій маленькый,
і зеленой травкы мало?

Так ся скубе, так ся пасе,
мусиш ся учіти!
Не по полю побігати
а голодным быти.‟

Лишка

Прибігла до села лишка,
там ся мотать коло двора,
як на вечур вшытко стихне,
уж в курнику є потвора.

Подусить там вшыткы куркы,
гнедь познаме дарможрача,
поохаблять слїды ясны –
піря рябе порозтрачать.

Лищата зве на гостину,
будуть їсти курятину.
Така хытра лишка міла
людём шкоды наробила.

Жабка

Ква-ква-ква, жабка
скаче по мочарёх,

в млакох сі пребывать.
в болотї прежывать,

через день дримле в нудї,
вночі ся розбудить.

Панцір грубый, тріщіть очі,
де ногами де доскочіть.

Ква-ква, спустить із вечера –
тяжко спати, вера – вера.

Зато при яснім місячку
видно жабкы в млачках.

Рады концерт послухаме,
лїтнёго воздуху ся надыхаме...