28. 8. 2018: Народна музично-співацька ґрупа Дрібна выдала першый свій албум Росла сливка

Народны музика Дрібна є зґрупованя трёх запаленых фоклорістів, котрых соєдинила цїложывотна любов до народной співанкы Тоту перенесли до співацькой і музичной подобы і засновали народну мизично-співацьку ґрупу Дрібна​.

Як з усмівом додаваюти, є то нелем русиньскый танець (позн. А. К.: із села Кыёв), але дрібна є і єдина дама ґрупы Івана а дрібна є і геліґонка, на котрій грать єй муж Ян Янічко. Гуслістку Іванку і геліґонкаря Янка доповнює до тройцї котрабасіста Мартін Оранець.

Ґрупа Дрібна, котра знать забавити і розвеселити людей, теперь приходить із своїм першым​ ЦД албумом Росла сливка, на котрім є 22 співанок. Їх список наповідать, же ґрупа любить русиньскы співанкы, главно тоты менше знамы. Суть ту і співанкы, з якыма ся прославило знаме співацьке дуо Джупін – Василенко (Добры люде, біда буде, Горї тым Пряшовом ці Буде война, буде, але і шарішскы, як „Široki jarek“ ці „Neveľo som chodzil“. Доконалый є тройголосный спів, котрый є характерістічный якраз про русиньску співанку. Гостём у новім албумі є і знама співачка народных і духовных русьньскых і шарішскых співанок Анна Сервіцька, котру „дрібняци‟ называють своёв „фокорнов мамов‟.

ЦД вышло двойязыно – назвы співанок суть написаны по русиньскы – азбуков. І такым способом народна капела Дрібна доказує, як дуже мать в почливости своє корїня і своїх предків, котрых богатство утримує і шырить про далшы ґенерації.

(Жрідло: presov.korzar.sme.sk (Кор. Анна Кузмякова)

Script logo