28. 6. 2021: 70-роча од народжіня културного дїятеля меджі Русинами Америкы – Джеррі Джумбы

Джеррі Джумба (Jerry Jumba) нар. 28. 6. 1951 у Мак-Кіз Рокс, Пенсілванія, США – музикант, хореоґраф і културный дїятель русиньского походжіня в США.

Дж. Джумба закінчів Музичну факулту Універзіты Дукейн (1985), потім брав актівну участь у заснованю і зебезпечіню хореоґрафічной і музичной приправы дакількох фолклорных ансамблїв, у т. ч. Свавяне (засн. 1969) у м. Піттсбурґ, штат Пенсілванія; Краяне (засн. 1976) у м. Дейтон, штат Огаё; Карпаты (засн. 1978) у м. Ембрідж, штат Пенсілванія; Русины (засн. 1978) в м. Мак-Кізпорт, штатн Пенсілванія; Бескіды (засн. 1979) в м. Лівонія, штат Мічіґен; Кружок (засн. 1981) в м. Клівленд, штат Огаё.

Дж. Джумба тїсно сполупрацовав з Америцьков ґрекокатолицьков (візантійсков) русиньсков церьквов, пропаґуючі знаня про духовну і світьску културу карпатьскых Русинів як директор проґраму здобываня знаня про културну дїдовизну (Cultural Roots Program) Пармской єпархії (1980 – 1993) і директор проґраму возроджіня церьковного співу (Chant Renewal Program) ґрекокатолицькой (візантійской) митрополії Піттсбурґу (1984 – 1992) Быв закладателём і ведучім каждотыжднёвого карпарусиньского радіопроґраму в Піттсбурґу (1997 – 2003) ітд.

Павел Роберт Маґочій, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 177, переклад з україньского  языка і звыразнїня писма: А. З.