28. 6. 2016: Цїнна книжка о історії Русинів

24. юна 2016 в Пензіонї Атріум у Пряшові на заключній церемонії проєкту 7. річника Міджінародной лїтнёй школы русиньского языка і културы на Пряшівскій універзітї (ПУ) в Пряшові (Словакія) – Studium Carpato-Ruthenorum 2016 проф. Др. Павел Роберт Маґочій як автор новой книжкы With Their Backs to the Mountains. A History of Carpathian Rus´ and Carpatho-Rusyns (За хрептом горы. Історія Карпатьской Руси і карпатьскых Русинів) подаровав ю до новой найвекшой в Европі бібліотекы карпаторусиністікы, а то на Інштітутї русиньского языка і културы ПУ. Передав ю святочно директорцї спомямнутого інштітуту доц. ПгДр. Аннї Плїшковій, ПгД.

Книжка є зборником 30 росшыреных лекції о Карпатьскій Руси і карпатьскых Русинах од найстаршых часів по сучасность, якы чітать їх автор П. Р. Маґочій на окремых річниках проєкту Studium Carpato-Ruthenorum. Тeкст книжкы мать 511 сторінок із 34 мапами і на кінци з окремов богатов образовов прилогов на далшых 32 сторінках. Книжку выдав у 2015 роцї Cetral European Universitry Press у Будапештї – Ню Йорку.

Інтересне є главно то, же цїлу кньжку уж переложыла Мґр. Ева Едді, ПгД., і скоро выйде в словацькій мутації. Тїшыме ся на тоту книжку, котра буде вєдно з анґліцьков книжков цїнным вкладом до познаня історії Каптьской Руси і карпатьскых Русинів.                                                                 

А. З., фотка автора