28. 11. 2024: ЗІРС позывать на лекції професора Шворца до Братїславы і Кошіць

Здружіня інтеліґенції Русинів Словеньска (ЗІРС) як головный орґанізатор позывать вшыткых заінтересованых на лекцію професора Петра Шворца під назвов Русины і Чехословакія (рр. 1919 – 1939).

В Братїславі буде мож выслухати лекцію 10-го децембра 2024-го року в просторах Чеського центра Братїслава, в Кошіцях подія одбуде ся о два днї пізнїше, 12-го децембра в просторах Публічной бібліотекы Яна Бокація.