26. 8. 2019: Варголь курєром транспортовой компаніі?

Енді Варголь, Фріда Кальо та Сальвадор Далі од близко рока перевозят образы для єдной транспортовой компаніі. Хоць може то не до кінця так, то специялисты од реклямы зробили добру роботу.

Аґенция Ruf Lanz створила для швейцарской фірмы Welti-Furrer, яка занимат ся транспортуваньом творів штукы на цілым світі, нетипову реклямову кампанію. Курєрами менувано знаных артистів.

Реклямовы більборды презентуют працівників Welti-Furrer облеченых в фірмовы мундуры. Розпознати мож серед них Енді Варголя, Вінцента ван Ґоґа, Сальвадора Далі ци Фріду Кальо. Выдумати креативну рекляму николи не было легком справом. Особливо в днешніх часах, коли реклямoвый зміст высыланый є на вшыткы можливы способы, через кажде ґратя постійні прилучене до сіти, телевізийні, через радийо, папіровы медиі ци клясичны більборды. Заміріньом аґенциі Ruf Lanz было переказати музеям, ґалериям, кураторам та колекцийонерам штукы, што експерты з Welti-Furrer знают, што не єст легком штуком перевозити штуку. Але роблят то так, як бы нону штуку зробили самы.

Наталія МАЛЕЦКА-НОВАК, ЛЕМ.фм

(Юублікуєме в оріґіналї – лемківскім варіантї русиньского языка.)