26. 8. 2018: Прибыли новы фрескы благореченых у катедралї в Пряшові

Далшай сімболічный дарунок дістали ґрекокатолицькы віруючі з нагоды 200-ой річніцї створїня Пряшівской ґрекокатолицькой епархії. Єй Катедралу св. Іоана Хрестителя у Пряшові одтеперь скрашлюють і новы фрескы. Мальбы, котры зготовив Роналд Носов, зображують благореченых мучеників – Павла Петра Ґойдіча, Васьля Гопка і Домініка Тырчкы.

Четвертый медайлон є зображінём Яна Івана Мастиляка. „Процес баданя

ёго діятеьства проходить на єпархіалній уровнї,‟ інформовав протосінкел Пряшівской єпархії Любомір Петрик. Посвяченый быв і ерб Пряшівской архієпархії і пряшівского архієпіскопа і метрололіты Яна Бабяка із уведженыма рокамь 1818 – 2018, котры будуть припоминати 200 років од канонічного створїня Пряшівской єпархії. Портреты і ербы находять ся на опорнім мурї хоруша і видно їх при поглядї зо святынї катедралы. Зображены суть в історічных рельєфных медайлонах, котры были дотеперь порожнї. Мальбы славностнї посвятив ґрекокатолицькый архієпіскоп і метрополіта Ян Бабяк.

Новы вытварны творы будуть тырвалов памятков на Юбілейный рік Пряшівской архієпархії 2018 і на выголошіня Русина, благореченого єпіскопа-мученика і покровителя міста Пряшів – Петра Павла Ґойдіча.

(Жрідло: MY Prešovské noviny (Koр. AK)