26. 3. 2021: Мілан ҐАЙ: Дякую, господи, Нихто не знать (Стихы)

Мілан Ґай

 

Дякую, Господи                    

 

Дякую, Господи,

за вшытко днесь Тобі,

яке зло приходить

у людській подобі.

 

Дїявол нас вшыткых

кламле, роздїлює,

і все новы трікы

про нас вытягує.

 

Затемнює розум

приводить до грїху,

бо лем коло такых

він глядать потїху.

 

Бо тот, хто у собі

мать Божу Благодать,

од того діявол

на далеко втїкать.

 

Нихто не знать

Нихто не знать тївко років

дїлить нас од того,

коли навсе одыйдеме

до світа вічного.

 

Чі єсь роздумував над тым,

грїшный чоловіче,

якый рахунок даш Богу,

коли тя закличе?

 

Велё можеш пок щі жыєш

іщі направити,

жебы єсь міг перед нёго

пак передступити.

 

С чістым контом можеш ёму

рахунок оддати,

і за пережытый жывот

так подяковати.

 

(З приправлёваной книжкы Мілана Ґая – Правдива выповідь.)

Script logo