26. 11. 2018: Часопис Русиньскый світ з Мадярьска славить 15 років

23-го октобра 2003-го року в Будапештї зачав выходити часопис про Русинів, што жыють в Мадярьску, а то під назвов „Русинськый світ/Ruszin világ.‟ Тот часопис выдавать Цїлодержавна русиньска меншынова самосправа. Часопис підпорив Фонд народностных меншын і етнічных ґруп в Мадярьску і Цїлодержавне общество русиньской інтеліґенції Антонія Годинкы. В часописї ся публікують темы з історії, але главно зо сучасного жывота русиньской народностной меншыны  нелем у Мадярьску, але приносить інформації і о діятельстві русиньскых орґанізацій в іншых країнах, де жыють Русины.

Желаме часопису і колектіву ёго творителїв іщі не єдну пятнадцятку свого діятельства.

-ак-