26. 10. 2019: Конференція памяти Іштвана Удварія

25-го октобра 2019-го року бyла ся в просторах Вседержавной бібліотекы загранічных языків в Будапештї Конференція памяти Іштвана Удварія. Конференцію орґанізовала Бібліотека Русинів Мадярьска імени професора Іштвана Удварія.

В рамках конференції было мож выслухати рефераты Ілдікы Поласкіне Надош, Андраша Золтана, Ержейбет Барань Комарі, Ренаты Романюк, Мігаля Кочіша, Михаіла Капраля і Юдіты Удварі. Подію підпорив Фонд Ґабора Бетлена.

 

Іштван Удварі

Славіста і педаґоґ Іштван Удварі народив ся 14-го юлія 1950-го року в селї Торнёшпалца в Мадярьску. У 1975-ім роцї закінчів Універзіту Лайоша Кошута в Дебрецинї, доктором філозофії быв од 1986-го року. Професуру здобыв у 1995-ім роцї. Од року 1997 быв членом Мадярьской академії наук. Удварі од 1982-го року выкладав російскый, україньскый і русиньскый язык на Высшій педаґоґічній школї в Ніредьгазї, де у 1992-ім роцї засновав Катедру україньской і русиньской філолоґії. Фунґовала до року 2013.

Удварі інтересовав ся аналізов русиньскых текстів, главно тых, котры односны суть ку періоду до 19-го столїя, і котры ся му подарило найти в мадярьскых архівах. Окрем іншого, приготовив до друку дакілько томів рукописів русиньского історіка Антонія Годинкы, репрітны выдань букваря Мануіла Ольшавского, букваря Івана Куткы і много далшых. Так само робив над языком і літературов Русинів Войводины. Професор Іштван Удварі вмер в Ніредьгазї  9-го новембра 2005-го року.

Петро МЕДВІДЬ, ЛЕМ.фм