25. 4. 2020: Премєр: „При кроках односно сеніорів, решпектую голос одборників,‟

Братїслава 24. апріля (TASR) В припадї кроків, котры ся тыкають вымедженого часу на накуп сеніорів, є найважнїшым голос  і рїшіня конзілія одборників. Перед пятніцёвым засїданём влды СР то підкреслив Іґор Матовіч (OľaNO).
В припадї „зємнїня‟ актуалного наряджіня, котре встановлює про людей над 65 років можность куповати лем в часї меджі 9.00 аж 11.00 год., є подля премєра зась вырїшалный голос одборників. „Будьшто, што вырїшить конзіліум одборників, буду то решпектовати. В конечнім выслїдку є то рїшіня главного гіґіеніка, є то вопрос про нёго,‟ повів. Припомянув, же обмеджіня было выголошене у важній сітуації і ёго цїлём є хранити сеніорів як найогроженїшу ґрупу жытельства перед наказов новым коронавірусом В тім контекстї ся позерать і на шпекулацію можной протиустаности того кроку...

В припадї актуалной діскусії о проґрамовім выголошіню влады (ПВВ) премєр не видить проблем у тім, же до розправы суть приголошены десяткы посланцїв. „Кедь то будуть конштруктівны припомінкы, котры нас посунуть далше, так ся тому не браниме, най два тыжднї зарадом діскутують, но кедь то мають быти зломысельны припомінкы, з котрымна приходять опозічны посланцї, не є то жадный хосен,‟ додав.

Портал Уряду влады СР, перетлумачів із словацького языка і додав фотоґрафію: А. З.

Script logo