25. 3. 2020: Проф. ПгДр. Юрій Ванько, к. н., славить 75 років од народжіня

  • • У роцї 2000 Юріёви Ванькови Колумбійскe універзітнe выдавательствo у Ню Йорку в серії Выходославяньскы моноґрафії выдало книжку під назвов „The Language of Slovakiaʼs Rusyns“ (Язык Русинів на Словакії).

    • У роцї 2000 Юріёви Ванькови Колумбійскe універзітнe выдавательствo у Ню Йорку в серії Выходославяньскы моноґрафії выдало книжку під назвов „The Language of Slovakiaʼs Rusyns“ (Язык Русинів на Словакії).

Юрій Ванько (Juraj Vaňko) народив ся 25. 3. 1945 у Млинарівцях, втогдышнёй Чехословакії, теперь на теріторії Словакії. Він є лінґвістом і універзітным педаґоґом на Словакії, подля походжіня Русин.

По скінчіню середнёй школы у Свіднику (1962) Ю. Ванько штудовав на Філозофічній факултї у Пряшові Унінерзіты П. Й. Шафарика у Кошіцях (1973 – 1968). У 1973 – 1975 роках  быв сполупрацовником Научно-бадательского кабінету Катедры україньского языка і літературы той універзіты. Ёго робота о сіснатсісї русиньскых діалектів раґіону міста Бардеёв стала ёго предметом дізертації на здобыть научного ступня кандідат наук (1976). Од 1975 р. Ю. Ванько учіть на педаґоґічній факултї м. Нїтра на западї Словакії (доцент, 1983; професор, 2003), яка од 1996 року стала частёв Універзіты Коштантіна Філозофа. Окрем робот, присвяченых словацькым діалектам і языку літертурных творів, Ю. Ванько опубліковав  першу велику аналізу сіснтаксісу русиньскых діалектів Пряшівской области – „The Language of Slovakiaʼs Rusyns“ (Язык Русинів на Словакії, 2000). У тій і іншых роботах науковець обстоює погляд на русиньскый язык як окремый славяньскый язык.

Література: „Biography of Juraj Vaňko“, in Juraj Vaňko, The  Language of Slovakiaʼs Rusyns (New York, 2000). pp. ix-xiii.

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 77-78, переклад з україньского языка і звыразнїня писма: А. З.

З нагоды 75-роча од народжіня Юрія Ванька ку вшыткым ґратулантам припоюєме ся і мы, члены Академії русиньской културы в СР, єй редакції і редакції часопису Русин і желаме му міцне здоровя, щастя в родинї і робочі успіхы.

Script logo