25. 11. 2017: Перша в Булгарьску
Унікатна публікація – перша в Булгарьску о Русинах в Середнїй Европі.
Автор новой публікації Костадин Костадинов, якый, окрем іншого, быв участный на єднім річнику Міджінародной лїтнёй школы русиньского языка і културы на Пряшівскій універзітї.
В тых днях дістала ся нам до рук нова публікація, а то „Русините в Централна Европа – история и съвременност‟ (Русины в Централній Европі – історія і сучасность), написана в булгарьскім языку і выдана в Булгарії (Варна: Издателство „Илия Вълчев‟, 2017, 336 стор., ISВN 978-619-7287-06-6), із цїнныма мапами і образовым матеріалом.
Є то перша публікація о Русинах выдана в Булгарьску!!! Єй автором є Костадин Костадинов, якый быв участником єдного з річників Міджінародной лїтнёй школы русиньского языка і културы – Studium Carpato-Ruthenorum на Пряшівскій універзітї у Пряшові (Словакія). Ку выданю і обсягу той книжкы му помогла праві і споминана школа, як і учітелї історії на ній Мґр. Валерій Падяк, к. н., (Ужгород, Україна) і проф. Др. Павел Роберт Маґочій (Торонто, Канада).
А. З.
