24. 7. 2019: Русиньскый актівіста і ученый Павел Бест ославив своє 80-роча

Павел Бест (Paul Best) народив ся 10. юла 1939 у Бріджпортї, штат Коннектікут, США. Професор універзіты і културно-сполоченьскый діятель меджі Русинами-Лемками у США.

Скінчів Ню-Йорьску універзіту (доктор філозофії, 1965) і од 1969 року чітать лекції політолоґії на Універзітї южного Коннектікута. П. Бест є закладателём (1988 – ) Ґрупы карпатославяньскых бадань (Carpatho-Slavic Studies Group), яка приспівать ку одношіню меджі ученыма різных орьєнтацій, заінтересоваными карпатознательством, а тыж є редактором журналу „Carpatho-Rusyn/Slavic studies“. Од кінця 80-ых років 20-го стороча орґанізовав секції, присвячены Лемкам, на дакількох меджінародных научных конференціях у США і Европі. Презідент (1997 – ) Лемко-Союзу в США і Канадї і віце-презідент (1999 –) Карпаторуського америцького центра в містї Йонкерс, штат Ню-Йорк.

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа, (Ужгород: „Видавництво В. Падяка‟, 2010, на с. 51), переклад і звыразнїня писма: А. З.

Script logo