24. 5. 2020: Аплікація еКарантена іщі не є функчна – роздумайте сі путь на Словакію

Апелую на нашых обчанів, котры ся хочуть вернути на Словакію і хочуть ся выгнути штатній карантенї, жебы перед дорогов слїдовали інтернетову сторінку korona.gov.sk, ці є на нїй інформація, же еКарантена є уж функчна. Кедь там тота інформація не є, рекомендую подумати над путёв на Словакію, бо все платить у многых припадах повинна штатна карантена.

Актуално платны рештрікції Уряду верейного здравотніцтва СР найдете ту:

http://www.uvzsr.sk/docs/info/covid19/navrh_chytra_a_statna_karantena_22_05.pdf

Уряд влады СР і перманетныйн крізовый штаб од вівторка того тыждня (19. 5. 2020) ясно комуніковали, же в припадї, кедь бы уж была аплікація функчна, іщі ПЕРЕД  ДОРОГОВ треба зробити три крокы: зареґістровати ся на уведженій сторінцї выповнїнём формулара, стягнути сі аплікацію і актівовати ю.

АПЛІКАЦІЯ З БОКУ APPLE A GOOGLE НЕ Є ІЩІ СХВАЛЕНА, ЗНАЧІТЬ НЕ Є ФУНКЧНА. 

Як лем дійде ку єй схвалїню, будеме верейность інформовати, тота реалность буде видительно опублікована на korona.gov.sk
 
ДЯКУЄМЕ.
Братїслава, 23. 5. 2020

Ян БУЧКУЛЯК, член перманентного крізового штабу одповідный за сферу ІТ.

 

Медіалный сервіс Уряду влады СР, зо словацького языка перетлумачів: А. З.

(Позн. ред.: домашня ізолація є реална про АНДРОІД і гранічный переход БЕРҐ.)

Script logo