24. 5. 2020: Автострадный гранічный переход Яровцї - Кіттсе заблоковали перше репатріанты, пізнїше каміоністы...

 

Автостраду Д4 в близкости гранічного переходу Яровцї – Кіттсе в пятніцю (22. 5. 2020) заблоковали репатріанты, котры ся домагали можности пережыти повинну карантену в домашнїй ізолації. Можность спущіня аплікації, котра бы то уможливила, спершу авізовали якраз на пятніцю. В суботу (23. 5. 2020) додобіду голосила поліція, же автострадный переход  Яровцї – Кіттсе є уж переходный.

На схвалїня аплікації еКарантена фірмами Google a Apple ся надале чекать. Іформовав о тім говорця міністерства внутра Петар Лазаров. Але пізнїше граніцю заблоковали каміоны. Братїславска поліція одпоручать на соціалных сїтях, жебы люде выужывали малый переход Яровцї – Кіттсе і Петржалка – Берґ. Переход через Петржалка – Берґ одпоручать особному транспорту і Стелла центер. „Згромаждїня векшой кількости людей є способлена і блокованём переходу ґрупов особ, якы не решпектують актуалны платны крокы, причім частина поліцайтів забезпечує охрану верейного порядку,‟ повів Лазаров.

Поліцайты подля резорту внутра поступно евідують приходячі особы на основі рїшіня Уряду верейного здравотництва СР. По евіденції створюють ся колоны авт з репатріантами і наслїсдно їх одпроваджають до карантерных центрів. Тоты мають подля резорту внутра достаток вольных місць.

Zdroj: FB Polícia SR Bratislavský kraj, зо словацького языка перетлимачів і скоротив: А. З.

Script logo