24. 5. 2019: Людміла ШАНДАЛОВА: Одбераня, Самота, День, Старый дом (Стихы)

Одбераня
Лелія з вітриком гуляє,
облачок у жалю oстає.
Ту моя душа так сміла!
Збогом будь, хыжочко міла...

 

Самота
Глубока гора, зеленый стром
а тихо найтихше з ним.
Топлять ся споминкы, тайны сны
в тім морї тишины.

 

День
Рїчка плыне, вітор дує
кады-тады додалека,
втогды ся день здогадує,
як го рано сонце плекать.
Каждым разом тепло сїє
... так і мі є.

 

Старый дом
Што єсь, облачку ты старый, відїв?
Што ся у твоїм зеркалї одбыло?
Лем павук в рогу зохабив слїды,
же ся ту любило, же ся ту жыло...

Текст є з Літературного конкурзу Марії Мальцовской 2018.