24. 2. 2019: Дружство Руснак в президента Хорвациі – «был, єсм і буду»
• Презідентка Хорватьска – Колінда Ґрабар-Кітаровіч.
• Председа Світовой рады Русинів Штефан Лявинець і ведучый Дружства Руснак Мійомир Шайтош, окрем іншого, подаровали панї презідентцї Хорватій попку в русиньскім народнім крою.
Предсідатель Світового Конґресу Русинів – Штефан Лявинец і делеґация Дружства Руснак были 23 лютого/фебруара 2019 р. запрошены до Загребя до Уряду Президента Хорвациі – Колінды Ґрабар-Кітарович.
Понеже ХІV Світовый Конґрес Русинів і VІІІ Форум Русиньской Молодежы проходил в 2017 в Осієку під высокым патронатом президента Хровациі, предсідатель Світовой Рады Русинів Штефан Лявинец і ведучый Дружства Руснак Мійомир Шайтош вручыли подякуваня, русиньскы выданя і ляльку Колінда в нацийональным русиньскым крою. З того дарунку найвеце урадувала ся пані президент. З такой причыны, што конґрес з Осієку был першым з підпором президента державы, в якій жыют Русины, цилю продолжати тоту традицию предсідател СРР Штефан Лявинец доручыл запрошыня до участи в слідуючым, ХV Світовым Конґресі Русинів, якій буде проходил того рока в Старій Любовни у Словацкей і передала патронат над конґресом президентови Словацкой Республикы. «Буде мі мило приняти запрошыня», така была одповід пані президент.
Окрем спомянутых горі в стрічы з президент Хорвациі Коліндом Ґрабар-Кітарович, были присутны члены Дружства Руснак – Мирон Гнатко, Наталия Гнатко, Матей Бурчак і Івона Гнатко.
Стрічу закінчыло спільне фотоґрафуваня делеґациі з президент Ґрабар-Кітарович.
Кореспонденцию з Загребя передала Івона ГНАТКО.
(Публікуєме в оріґіналї - лемківскім варіантї русиньского языка.)
