22. 9. 2016: Гостї з Нїмецька в нашім інштітутї

13. септембра 2016 гостями Інштітуту русиньского языка і културы Пряшівской універзіты были учітелї і штуденты з Інштітуту славістікы і Інштітуту выходославяньской історії Універзіты в Ґісенї в Нїмецьку. Ініціатором навщівы быв абсолвент двох річників міджінародной лїтнёй школы русиньского языка і културы Studium Carpato-Ruthenorum 2011 i 2012 Мґр. Даньєл Міллер, якый професіонално ся інтересує русиньскым языком. О розлічных аспектах жывота Русинів на Словакії гостям росповіли і на їх вопросы одповіли: доц. ПгДр. Анна Плїшкова, ПгД., директорка ІРЯК ПУ, Мґр. Анна Кузмякова, журналістка і бывша председкыня Русиньской оброды на Словакії, ЮДр. Петро Крайняк, русиньскый актівіста і довгорічный член выконного і коордіначного выбору РОС, Мґр. Петро Медвідь, журналіста і говорця Округлого стола Русинів в СР.                                                        A. П., фото: З. Цітрякова