22. 5. 2019: 50 років діятельства Руського народного театру „Дядя‟

Руськьй народный театер „Дядя‟ (Руски народни театер „Дядя‟) – тетралный колектів войводиньскых Русинів (Сербія) зачав своє діятельство у 1969 р. в рамках каждорічного театралного фестивалю „Драмски мемориял Петра Ризнича Дядї‟ на честь войводиньско-русиньского тетралного дїлятеляства на зачатку 20 ст.

Почас наступного фестівалу 1970 р. руськый аматерьскый театер „Дядя‟ быв офіціално заложеный і было му дано просторы на ваступлїня (у Руськім Керестурї і Новім Садї). У 2003 р. часть драматічного колектіву была трансформована на професіоналный Руськый народный театер Петра Різніча-Дядї („Руски народни театер „Петро Ризнич-Дядя‟). Аматерьскый театер продовжує своє діятельство  як окрема інштітуція, зато єствують планы споїня обидвох театрів в м. Руськый Керестур.

В першій четвертинї столїтя свого діятельства (1969 – 1995) колектів одограв дакілько пєс містных войводиньско-русиньскых драматурґів і класіку світового репертоару під веджінём Дяры Папаргая, Йовґена Медёші, Драґена Колєсара і ін. Вшыткы інсценації пєс были у войводиньско-русиньскім языку. Із герцїв, што выступали в окремых пєсах меджі 1969 і 199 рр. найактівнїшами были: Микола Скубан, Вітомір Бодянець, Анна Рац, Юліян Стрібер, Янко Ґ. Раць, Михайло Варґа і Михайло Зазуляк.

Література: Латяк Д. Двацет пець роки АРТ-РНТ „Дядя‟ (Новый Сад, 1995); Михайло Бодянець, ред. Трицет Драмски Меморияли Петра Ризнича Дядї (1969 – 1998) хронолодія (Руськый Кертестур, 1998).

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа, (Ужгород: „Видавництво В. Падяка‟, 2010, с. 670), переклад і звыразнїня писма: А. З.