22. 12. 2019: 55 років соціолоґічкы Евы Міхны з Польска, яка ся інтересує Русинами

Ева Міхна (Ewa Michna) нар. 23. 12. 1964 у Рабцї, в Польщі. Она є польсков соціолоґічков, сполупрацовнічков Інштіуту соціолоґії при Яґелоньскій універзітї в Кракові.

Е. Міхна штудовала проблематіку етнічной і народностной самосвідомости меджі Русинами Централной Европы в часї по револуції 1989 р. Єй науковы роботы характерістічны суть безпосередностёв і несторонностёв, векшына з них є присвячена Лемкам у Польску, в тім чіслї „Łemkowie: grupa etniczna szy narod?“ (1995). Она перша з науковцїв зробила порївняня меджі Русинами Словакії, Україны і Польска. То, што подля єй думкы, становлять проґресівну еволуцію у формованю русиньского народу, проаналізовано із соціолодічной точкы погляду в єй монографії „Kwiestie еtniczno-narodowościowe na pogranicznu Słowiańszczny wschodniej i zachodniej: ruch rusiński na Słowacji, Ukrainie i w Polsce“ (2004).

Богдан ҐOРБАЛЬ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа, (Ужгород: „Видавництво В. Падяка‟, 2010, на с. 487), переклад: А. З.