22. 11. 2019: Людміла ШАНДАЛОВА: В огню, Похолоднїло, Лишкы (Стихы)

Людміла ШАНДАЛОВА

 

В огню

Поломінь белавый

над тїлом з ясіня

в языкох зведавых

бісїду почінать

 

О тім што выдав день –

же любов за думков

кладе ся на огень

з каждіцькым деревком

 

Поломінь белавый

мазурку підскочів

сповідї болявы

спалює спред очей

 

Стровить дня непокій

зтоптать го аж на днї

а покы затихне –

душі є приємнї

 

 

Похолоднїло

В нас похолоднїло

поминув щастный сон

Лїто уж не грїло

спустнув наш білый дом

 

Стромы суть стрясены

пресмутно вітають

мокрый час осени -

што іщі чекають?

 

Зоблекли зо себе

анцуґы найкрасшы

Баранкы спід небес

копять ся в салаші

 

Душу мі омыють

оросять злегенька

Дыхать уж на шыю

зима недалека...

 

Лишка

Лабками у мокрій траві

за домом на бережку

стояла молода лишка

Міцно, гордо

В арджавім хвостї ховала таємность

в блищачіх очах зведавость

 

Стрїтла ся з чоловіком

Предовго смотріла

 

Ани ся не гла

Бранила своє місце під сонцём

Є мі подобна

 

(Выбране з Літературного конкурзу Марії Мальцовской)

Script logo