21. 8. 2021: Вышов Короткый енціклопедічный словник православія на Словакії

Теперь ся нам дістав до рук енціклопедічный словнык православія на Словакії, котрый вышов по словацькы під назвов: Krátky encyklopedický slovník pravoslavia na Slovensku (Svidník: Tlačiareň svidnícka, s. r .o., 232 s., ISBN 978-80-89755-83-7) русиньскых авторів: ПгДр. Михала Шкурлы і Інж. Юрія Кривкы. Тот інтересный словник має шість частей і вышов за фінанчной помочі русиньского філантропа – Інж. Мілана Мнягончака із Гуменного.

У вступі авторів ся, окрем іншого, пише: „На початку было Слово а Слово быв Бог, а Бог быв тото Слово‟, – так звучать слова з Євангелія подля Яна. Так як слово ся складать з окремых букв, так і тота книжка ся складать з окремых „камінчіків‟, з котрых є створеный єден цїлок – Короткый енціклопедічный словник православія на Словакії. Так як камінчікы, з котрых умелець створює прекреасну мозайку, суть різнороды і різнофаребны, так і тот словник є створеный з окремых гесел о людёх, дїятельство котрых є різнороде розмірмы і обсягом. Споюює але їх сполочне посланя, ідея і жывотна енерґія православной церькви, і сполочнї так створюють єден цїлок. Ёго обсяг є робота на фонї сполоченьскый условій, в котрых тоты особности жыли, респектівно жыють і суть нима у значній мірї овпливнены в каждім історічнім періодї із різнов інтензітов і выслїдками...‟

Віриме, же тота книжка найде сі свого чітателя і приближыть му главно особности і їх дїятельство, як ай історію і роботу окремых парохій і інштітуцій православной церькви.

-аз-