21. 8. 2020: Позваня на дві акції до СНМ – Музея русиньской културы в Пряшові

Милы приятелí, позываме Вас до СНМ – Музея русиньской културы в Пряшові на дві акції.  У середу, 26. 8. 2020 о 16:00 год., буде медаілон присвяченый акад. малярёви Штефанови Гапакови, а в пятніцю, 28. 8. 2020 о 17:00,  можете прийти на вернісаж выставы ОДНОСИНЫ молодого пряшівского маляря з русиньскым корінём Владіміра Ґаная.Тота выстава буде іншталована у вшыткых просторах на першім штоку, де  ся робить реконштрукція, яку ся про недостаток грошей не дарить нияк раз докінчіти. Нашым цїлём є нелем представити молодого творця, але і поуказати, же выставляти є што, лем не є де...

Тішыме са на Вашу участь...

Яна ТРУЩІНЬСКА-СИВА, културно-пропаґачный манажер СНМ – Музея русиньской културы в Пряшові

Script logo