21. 6. 2024: Гелерна ҐІЦОВА-МІЦОВЧІНОВА: Заслызена Україна (6, СТИХЫ)

Гелена Ґіцова-Міцовчінова

Заслызена Україна (6)

***
Міґы продавати

шарванець шатіє,

бо з крови хрістіаньской

Словак богатіє.

 

За полеглых хлопцїв

скручать міліоны,

безвірный казателю,

коли-сь в своїй вірї

посвятив там дроны?

 

З церьковной вежы

не чуєш выдзвоняти

за помершых дзвоны?

Лем донеконечна

на смерть Україны

посылаш патроны?

 

Не возиш там збранї

од войны людей хранити,

там треба хрістіанів

уж выкоринити.

 

Ці то земля хайты,

што там уж панує,

з крови хрістіаньской

образы малює.

 

Уж ся великодна

святочна Пасха ближить,

коли спасителя світа

пилати роспяли на крижи.

 

І вы, днешнї фарізеї,

не зложите при молитві

вєдно рукы,

зато вы через свої

загмлены очі

не видите на Українї

тяжкы мукы.

 

Та щі і глухы,

не чуєте

непрестанны

звукы,

же вытягли

плачучій дїтинї

хлїб із рукы.

(З приправлёваной книжкы автора – Заслызена Україна.)