21. 12. 2019: Першыраз в новодобій історії презідент нашой країны послав Русинам рождественны і новорічны поздравы в їх роднім русиньскім языку

Дякуєме за почливость і мы, члены Академії русиньской културы в Словацькій републіцї, котры сьме дістали такый поздрав од презіденткы СР Зузаны Чапутой. Такый істый поздрав дістали і далшы обчаньскы здружіня Русинів, русиньскы інштітуції і даякы вызнамны русинькы особности на Словакії.

Таксамо і мы желаме нашій презідентцї щастливо пережыти наближаючі ся рождественны свята, успішный новый 2020 рік, і жебы робила лем хосенны крокы про нашу отчізну, але і про народностны меншыны на Словакії, в тым чіслї і про штатом узнану самостатну русиньску народностну меншыну.

Мґр. Александер ЗОЗУЛЯК, председа Академії русиньской културы в СР