21. 11. 2020: Бісїдовали з уповномоченым влады Л. Буковскым про списованя людей на Словакії

Председа Округлого стола Русинів Словакії Петро Штефаняк (на фотцї першый справа) і секретарь Мілан Ян Піліп (другый справа), якый є так само і урядником словацькой влады, значіть є председом Уряду про Словаків жыючых за граніцями, бісїдовали 18. 11. 2020 з уповноченым влады Словацькой републікы про народностны меншыны Ласлом Буковскым (третїй справа) на темы списованя жытелїв у 2021 роцї і поставлїня народностных меншын на Словакії.

Русиньска інтеліґенція зґрупована при Округлім столї Русинів Словакії зробила детаілный план кампанї списованя жытелїв, котре буде проходити на Словакії од 15. фебруара до 31. марца будучого року. Дакотры єй елементы видно уж в сїтї інтернету. Наприклад, на профілї Русины на Словакії  доступна є про схоснованя на профілову знїмку з назвов „Сьме Русины‟, будуча частёв візуалной ідентифікації реченой кампанї. В планах є іщі  выдрукованя летаків, плаґатів, білбордів і продукція іншых, наприклад, відеоматеріялы, котрых цїлём є заінтересовати людей, жебы ся гласили за Русинів повчас списованя жытелїв СР.

Наталія МАЛЕЦКА-НОВАК, лем.фм, фотo: Русины на Словакії, переклад із лемківского варіанту русиньского языкаs: ред. АРК в СР.

Script logo