20. 9. 2017: Вышла книжка о русиньскых вояцькых співанках

В ужгородьскім Выдавательстві Валерія Падяка вышла нова книжка під назвов „Плаве кача по Тисині…: Перша світова війна у карпаторусинському пісенному фольклорі“. Автором є сам выдаватель Валерій Падяк, русиньскый бадательдослідник, робітник Інштітуту русиньского языка і културы Пряшівской універзіты в Пряшові.

 

У книжцї „Плаве кача по Тисині…: Перша світова війна у карпаторусинському пісенному фольклорі“ aвтор занимать ся вопросом вояцькых співанок і зверать увагу на їх ідейно-тематічне богатство.

 

Падяк аналізує в книжцї 20 вояцкых співанок, причім десять із них зновуобявив в архівах і дотеперь ся о них не писало. В книжцї чітатель найде і історію днесь на Українї популарной співанкы Плаве кача по Тисині, котра так само належыть міджі богаство русиньского фолклору. Як ся пише в анотації ку новій книжцї, вояцькы співанкы обще всокочають про далшы ґенерації шыроку палету скушеностей і чувств тых, котры войну пережыли як вояци. Співанкы мають своє властне зрозумлїня світовой траґедії.

 

Книжка, котра вышла на 118-ёх сторінках, є адресована вшыктым любителям історії карпатьскых Русинів.

 

П. М.