20. 8. 2024: Пряшів обновлює памятник Александра Духновіча

Обнова памятника вызначного русиньского будителя Александра Духнвіча мать за собов першу фазу.

Почас нёй проходила рештавраторьска робота на сохi А. Духновіча як учітеля зо своїм учнём. (позн. ред.: перед тым были зроблены теренны управы коло памятника, жебы памятник мав достойнїше місто: была дана замкова підлога перед памятником, зроблены новы пішникы, посадили новы деревцята, дали нове освітлїня і умістнили влїво од памятника орьєтачну і пописову таблу). Дале ся буде оправляти підставець. Бронзовый памятник Алексaндра Духновіча авторкы Олены Мандич ся находить в парку на Духновічовім намістю а іде о народну културну памятку. TASR о тім інформовав говорця міста Пряшів Михал Гудак. Памятник з року 1933 подля Гудака мав уж веце знаків деґрадації поверьху. Перед роботов на обнові памятника проходило рештавраторьске баданя, котре вів рештавратор того дїла Мартін Кукура за помочі одборного дозору конзултанта, академічного сохаря Івана Шкандіка.

На першу етапу, значіть на рештаврацію скулптуры, місто дало 11.850 евр з властного розрахунку. В другій етапі ся рештавратор пустить до обновы камяного піставця, котрый є высокый веце як штири метры і творить основну часть цїлого обєкту. Найвыразнїшыма проблемами суть оправны засягы з минулости.

А. К. , НН ІнфоРусин, языкова і ґрафічна управа: АРК в СР, фоткы: А. З..