20. 8. 2021: Мілан ҐАЙ: Молитва, Прийду із молитвов, У жывотї каждого (Стишкы)

Мілан Ґай

Молитва

 

Няй буде

молитва

про нас

потїшіня,

про тых,

што померли –

навікы

спасїня.

Зато

не падайте

духом

і міцнїйте

силов,

приходжайте

ку Господу

з молитвочков

щіров.

Господь

вас выслухать,

хто

просить,

каждого,

не падайте духом,

приходьте

до нёго.

 

Прийду із молитвов

 

Прийду із молитвов

до Божой Матери,

няй мі поотворить

ку сынови дверї.

 

Няй ся приговорить

у Сына своёго,

і попросить одпущіня

за мене грїшного.

                      

Жебы він одпустив

мої блудны грїхы,

своїм розрїшінём

додав мі потїхы.

 

Няй молитва Богу

не охабить мене,

мам про ню нарозтїш

сердце отворене.

 

 

У жывотї каждого

                   

У жывотї каждого із нас

спомічна молитва,

бо она выгравать в бою,

як у войнї битва.

 

Против грїху мать обровску

силу превелику,

помагать і при сповідї

каждому грїшнику.

 

Молитва далеко од нас

оджене сатана,

все буде про нас спомічна

звечара дорана.

 

(З приправлёваной книжкы Мілана Ґая – Правдива выповідь.)