20. 7. 2023: Мілан ҐАЙ: Благодать Божа, Тобі, мамко Божа (Стишкы)

Мілан Ґай

Благодать Божа

Благодать Божа є у нас

глубоко у сердці лежыть,

веде наш жывот по світї,

де вічный огень Небес горить.

 

Із Благодатёв їдеме мы по світї

і із нєй силу береме,

є жрідлом мудрости нашой,

докы ту вічность перейдеме.

 

Не обмеджуй Ты єї силы

мать она простір і у тїснотї,

возьме Тя на Духовны крыла

станеш і Ты на высотї...

 

Коли лукавый душу нападе

і хоче Тебе звалити,

Дух Святый все коло Тебе,

чекать, жебы го попросити.

 

Сохранить Тебе од злобы, напасти,

довіруй Ты ёму підеш до неба,

жебы Тя Господь з высокости

охранёвав фурт коли треба.

 

 

Тобі, мамко Божа

Ты, Матїр Божа, свята, єдина,

у Тобі чістота, бо сын Твій є Бог,

породила Ты до ёго до світа,

бо він смерть душ нашых перемог.

 

Взяв грїхы і драгов страданя

із крестом на Голгофу понїс,

прияв смерть,покору, покаяня,

жертву за нашы душы Він принїс.

 

Жебы і радость безсмертя познала,

а люде в злагодї жыли,

і жебы любов на Землї процвітала,

добро велике творили.

 

Матїрь Божа, свята і єдина!

Заступниця нас у вшыткім,

падаме перед Тобов на колїна

перед образом святым Твоїм.

 

Матїрь Божа, змілуй ся над нами,

воскресний доброту, любов у сердцях,

жебы на світї у каждой мамы

радость і щастя світило в їх очах.