20. 7. 2018: Прошло грекокатолицкє поломництво на св. Гору Явір

18. липця/юлия 2018 р. з Крениці рушыло грекокатолицкє поломництво на св. Гору Явір. Охочы взяти участ мали змогу реґіструвати ся на мультіязыковым сайті www.gora-jawor.pl, котрий ведений єст м.і н в лемківскым языку.

Тогорічне поломництво зачало ся Службом Божом в креницкым храмі св. Петра і св. Павла, по котрым поломникы пішли улицями Крениці, жебы пак дошли в перший ден до Баниці. По дорозі ся молили в церкви св. Архангела Михала в Мохначці і баницкій церкви св. Космы і св. Даміяна. Дальше, в четвер, вірны пішли через Ізбы, Біличну, Ріпкы до Ганчовы, а в послідні ден поломництва, 20. липця/юлия 2018 р. через Высову пришли на св. Гору Явір. На місци о год. 9.30 правлений был молебен до Пресвятой Богородиці, а пак архієрейска Служба Божа.

Даміян ТРОХАНОВСКЫЙ

(Публікуєме в оріґіналї - лемківскім варіантї русиньского языка.)