20. 5. 2020: Сон ся стає реалностёв: Помалы, але істо ся наш жывот зачінать подобати на час перед пандеміёв нового коронавірусу

Дочекали сьме ся! Днесь (20. мая 2020) зачінать ся уж четверта фаза увольнёваня рештрікцій у бою з пандеміёв нового коронавірусу.

ВЕРТАМЕ СЯ ДО „НОРМАЛУ‟:

• Зась можеме навщівити кіна, театры і громадны акції з участёв до 100 людей.
• Отваряють ся обходны центры (затля без дїтьскых кутиків).
• Од 1. юна ся обновить навчаня в основных і матерьскых шкоілах (позн. ред.: в ОШ в класї може быти 20 учнїв а в МШ 15 дїтей).
• Од днесь зачінають зась фунґовати внутрїшнї плаварнї і просторы про шпорт (затля лем про шпортовы клубы).
• Цвічіти можеме на вонкашнїх шпортовых просторах без шатень і позерателїв.
• Зелену дістало і верейне стравованя в інтерьєрї (позн. ред.: одступ столів мусить быти 2 метры а за столом можуть сідїть вєдно лем 2 людей).
• Завтра (21. 5. 2020) ся отворяють граніцї Словакії із сусїднїма країнами (позн. ред.: окрем Україны). Вернути ся але мусиме до 24 годин, вдяка чому перекрочіме граніцї без потребы мати неґатівный тест на КОВІД-19 і не мусиме абсолвовати штатну карантену.
• Носіня рушок в екстерьєрї при одступі 5 метрів буде по новім добровольне.
• Із закона ся уж можуть реалізовати і громады (сходзї) без обмеджіня кількости участників.
• Уж ся можеме дати тетовати ці дати сі настрїлити пірсінґ.
• Одкрывають ся і внутрїшнї турістічны атракції (окрем ЗОО і ботанічных загород).
• Потребна площіна на єдного заказника ся знижує із 25 на 15 метрів кубічных.

Portal Jemné melódie