20. 11. 2024: Позваня на Вечур споминаня в СНМ – Музею русиньской културы у Пряшові

Дня 19-го новембра 1944 скоро рано нїмецькы націсти про кооперацію із партізанами выпалили русиньскый валал Токаїк в окресї Стропків і застрїлили 32 невинных молодых хлопів. Жены і дїти выгнали із родного села і тоты скоро два тыжднї не знали, што ся стало з їх хлопами, братами, шовґрами, сынами... В СНМ – Музею русиньской културы в Пряшові собі припомнянеме тоту траґічну подїю ІІ-ой Світовой войны на нашій теріторії дня 28-го новембра 2024 о 16-тій годинї.

Люба КРАЛЁВА, СНМ – Музей русиньской културы в Пряшові