20. 10. 2024: Были сьме в Талергофі

18. – 19. 10. 2024 oдбыдo ся Общелемківскє Поломництво до Талергофу. Хоц, як сама назва вказує – поломництво то долшый процес, розвиненый в часі, в просторі. Так тіж оно є – участникы Талергофскых Упамятнінь пришли до місця страданя предків з далекой Лемковины і далекых західніх земель – чужыны, на котрій прожывают потомны выселенців.

То важна справа, же были сме на місци разом. Общелемківско упамятниме жертвы талергофского лаґру.

Грекокатолицком Божеском Літургійом о 10.00 год. значали ся Талергофскы Упамятніня в Фельдкірхен беі Ґрац. Пак одбыл ся короткій культрный проґрам, а по ним поломникы пішли на недалекій цмонтір, де в побудуваній в 1936 р. каплици (ротунді) перепоховано мощы нашых предків, якы страдали в талергофскым лаґрі. На місци была одслужена православна панахіда. В точным місци, де была переливана кров, тепер находит летовиско.

В общелемківскых упамятнінях возяли участ представникы ріжных русиньскых середовиск. Присутны будут тіж Русины з другых держах.

Символично, што до Талергофу пришли поломны з двох місц – з рідной Лемкововины і далекой чужыны (західніх земель Польщы), де дальше жыва є памят о Талергофцях.

Пут талергофского поломництва перетерло в 2004 р. Стоваришыня Лемків, якє на 90. річницю початку поневоліня Русинів зорґанізувало екскурсию, де в тым часі была одкрыта в спомнутій ротунді пропамятна таблиця од нашой орґанізациі. Товды же, ци не першый раз, была одслужена панахіда за жертвы австрийского террору з років 1914-1917.

Севериян КОСОВСКЫЙ, ЛЕМ.фм.

(Публікуєме в оріґіналї – лемківскім варіантї русиньского языка.)