2. 7. 2023: Диґитализовани найстарши матични кнїжки на сайту Заводу за културу

НОВИ САД – На сайту Заводу за културу войводянских Руснацох мож опатриц диґитализовани найстарши матични кнїжки грекокатолїцких церковних општинох. То барз значни податки о нашей заєднїци, хтори маю вельку историйну вредносц, прето же илуструю початки рускей заєднїци на тих просторох, пише на сайту Заводу за културу.

У рамикох того проєкту диґитализовани найстарши матични кнїжки у Коцуре, Старим Вербаше, Новим Садзе, Дюрдьове, Сримскей Митровици и Шидзе.

Пояшнєне же тоти диґитализовани матични кнїжки оперативни копиї, слабшей резолуциї, а кого интересую одредзени податки може контактовац на мейл office@zavod.rs и догвариц препатранє одредзених диґитализованих матичних кнїжкох у векшей резолуциї.

В. ВУЯЧИЧ, Рутенпрес

(Публікуєме в оріґіналї – войводиньскім варіантї русиньского языка.)