2. 7. 2021: Елена ХОМОВА-ГРІНЁВА: Ластівкы, Слово, Торба (Стишкы)

Елена Хомова-Грінёва

 

Ластівкы

Привітали співом

ярьну красу,

за облак влетїли

натїшены

до свого гнїзда,

туга гнала їх.

Здалека дошли

на стары місця.

Знесли яєчка до пелеха

выстеленый соломов,

пірём.

Новый жывот взышов

в домі за нашым окном.

 

Слово

Слово, постой,

Написане.

Слызами зросене,

любвов дугы прифарбене,

водам обмытый є камінь.

Злодїём вкрадженый час,

чутя дане на папірь

вылляти жалї зо сердця.

то довгы верегы

з перами в руках.

 

Торба

Шыроков брячков

запру торбу,

своє богатство

там вложу,

молоды лїта,

зрїлый вік,

дны старобы

помалы в нїй понесу.

Тягобу не пущу

зо слабых рук на землю,

няй мої сны по

краю не втечуть...

 

(Выбране з Літературного конкурзу Марії Мальцовской, рік 2020)