2. 6. 2018: Языковый семінар про учітелькы русиньского языка в Меджілабірцях

  • Книжка про школкарів і школярів, яку выдала єдна з учітелёк русиньского літерартурного языка – Івета Мелнічакова.

    Книжка про школкарів і школярів, яку выдала єдна з учітелёк русиньского літерартурного языка – Івета Мелнічакова.

Языковый семінар про учітелькы русиньского языка у вечернїх школах русиньского літературного языка про дїти і дорослых зреалізовало ОЗ Колысочка – Kolíska в Меджілабірцях на Основній школї на ул. Коменьского, де найдовше учіть русиньскый язык Мґр. Івета Мелнічакова. Привітали сьме меджі собов і директора Основной школы з матерьсков школов з навчанём русиньского языка Михала Сопіры в Радвани над Лабірцём і методіка про русиньскый язык в Методічнім центрї в Пряшові, Марека Ґая, жебы сьме з ним побісїдовали о помочі штату введжіню русиньского языка до нормалного навчалного процеса, нелем в нашых вечернїх школах. Но і як на вшыткых тогорічных языковых і орґанізачных семінарах з учітельками ОЗ Колысочка – зачали сьме го співом гімны Русинів Вручаніє од Александра Дуцхновіча. Наша гімна є красна нелем словом А: Духновіча, но і музиков О. Кизима в обравоцї наприклад Владїміра Любімова. Зденка Цітрякова, наша тогорчіна языкова лекторка представила учітелькам выбрану русиньску літературу про дїти і дорослых – в Словакії, Мадярії, Польщї і на Підкарпатю. Учітелькы, котры учать русиньскый язык в рамках нашых вечернїх школ суть Едіта Ясикова, Власта Мелнічакова, Леа Лукачікова і Івета Мелнічакова. Дякуєме панї директорцї школы за встрічне приятя.

 

ПгДр. Люба КРАЛЁВА, ПгД.

Script logo