2. 12. 2018: 70-річа Русина, знамого неврохірурґа проф. МУДр. Юрія Штеня, др. н.

22-го новембра 1948-го року в селї Кленова на Снинщінї народив ся Юрій Штенё, доктор-невроцгірурґ, науковець, высокошкольскый педаґоґ.

Выштудовав Лїкарьску факулту Універзіты Коменьского (ЛФ УК) в Братїславі. Од скінчіня штудій (1972) робить на Неврохірурґічній клініцї ЛФ УК, од року 1992 є предноста той клінікы, заєдно з тым є лектором ЛФ УК і Словацькой здравотной універзіты в Братїславі. В роках 1975 – 1979 абсолвовав екстерну ашпірантуру в Москві, доцент, кандідат наук, доктор наук, професор (2002), декан ЛФ (2015). Презідент Словацького неврохірурґічного общества (1990 – 1998) і главный одборник Міністерства здравотництва СР про невролоґію. Віцепрезідент Европской асоціації неврохірурґічных обществ (EANS, 2007), лектор ТС ЕАNS (1996 – 2010). Участник многых загранічных штудійных перебывань (Нїмецько, Швейцарія, Словенія, США), член многых словацькых і меджінародных лїкарьскых общества. Як лектор быв позваный на многы лїкарьскы конференції і конґресы, гостюючій професор на многых загранічных універзітах (США. Нїмецько, Фінландія). Автор многых одборных публікацій і штудій.

З нагоды ёго округлого жывотного юбілею желаме му міцне здроровя, іщі многы успішны операції, презентацій дома і за граніцями, спокійный родинный жывот. А што є варте оцїнїня, же він ся не ганьбить за то, же є Русин, але ся к своїй народности гордо голосить. На многая і благая лїта!