2. 12. 2018: Ославы 10-річного юбілею орґанізації молоды.Русины

Члены обчаньского здружіня молоды.Русины і їх прииятелї собі в суботу, 17. новембра 2018, у просторах Театру „SĽUK‟ у містьскій части Братїслава-Русовцї припомянули 100 років од взнику Чехословацькой републікы і 10 років од заложіня орґанізації молоды.Русины.

Частёв ослав была святочна академія, почас котрой былом подяковано вшыткым членам і такой оцїнено тых, котры стояли при зродї орґанізації і заслужили ся о єй розвиток. Далшов частёв святкованя была премєра нового умелецького проґраму фоклорного колектіву „Ruthenia“ (Рутенія) (котрый робить при ОЗ молоды.Русины) під назвов Земля обiцяна, котрый быв, так бы повісти,  влыстным дарунком, як і дарунком вшыткым тым, якым приносить радость колектів Рутенія

Почас славностной рецепції одбыла ся і сімболічна презентація серії десятёх компактных дісків Русиньскы приповідкы, вдяка чому і русиньска молодеж приспіла ку утриманю русиньской народной словестности нашых предків про будучі ґенерації.