2. 11. 2023: У новим „Руским слове”

НОВИ САД – Штерацец штварте число новинох „Руске слово” на своїх бокох приноши вельо интересантни теми, на Тижньовнїку обявени текст о активносци Националного совиту Руснацох на презентациї нового Правилнїка о подручних канцеларийох. З тей нагоди нови одряднїци у Правилнїку були презентовани у Шиду и Сримскей Митровици.

У рубрики Нашо места обявени звит зоз схадзки у Месней заєднїци Руски Керестур на хторей бешедоване о оправяню драги од Керестура по Крущич. У Дюрдьове отримана промоция предстояцого фестивалу „Ружова заградка 2024”, як и о вигласаним ребалансу буджета у Скупштини општини Вербас.

На бокох Економия теми углавним пошвецени єшеньским роботом на польох як и защити шаца од чкодлївцох.

Духовни живот приноши текст о преслави 20-рочнїци парохиї у Суботици, як и о Служби Божей хтора отримана з нагоди швета Христа Цара у Риєки.

Рубрика Култура и просвита у тим чишлє пополнєта зоз текстом о нєдавно урученим припознаню школи „Петро Кузмяк” зоз Руского Керестура за подкаст, а у тим чишлє наявена и традицийна манифестация „Костельникова єшень” хтора будзе отримана од 10. по 17. новембер.

У першим плану рубрики Спорт, насампредз, резултати зоз стретнуцох наших фодбалских клубох прешлого тижня и тексти о успихох каратистох, атлетичарох и гарла Парма Ферм на конїцких обегованьох.

Як додатки у тим чишлє вишли Мозаїк и Дикица, а ту и стална рубрика Горуци тепши.

A. ПАЛАНЧАНИН, Рутенпрес

(Публікуєме в оріґіналї – войводиньскім варіантї русиньского языка.)