2. 11. 2020: Премєр: „Одгалили сьме 38.359 накаженых із 3,6 міліона тестованых.‟

Почас вікендового (30. 10. – 1. 11.) плошного тестованя одгалили сьме 38.359 накаженых особ із цїлково тестованых 3.625.332 людей. То є 1,06%. Інформовав о тім Іґор Матовіч (OĽANO) по понедїлковім засїданю влады.

Премєр сконштатовав, же нормално сьме способны ідентіфіковати 2 500 людей денно. Почас вікенду ся але подля ёго слов подарило выразно швыдше одгалити найвеце людей із найвекшов вірусовов заразов. Кебы не были в карантенї, наказити бы могли далшых коло 50.000 людей. „Праві тото є найважнїше почас епідемії – барз скорым способом ідентіфіковати што найвеце людей, котры то можуть шырити далше, тых дати до картантены і охранити  такым способом десяткы, аж можно стовкы тісяч людей,‟ підкреслив премяр.

Здрой: Портал Уряду влады СР.

Script logo