19. 9. 2021: 250 років од заснованя Мукачовской єпархії

Она была офіціално зновузаснова 19. септембра 1771 на основі булы „Eximi Regalius Principum“, яку выдав папа римскый Клемент XVI.

Єй першым єпіскопом быв выменованый 23. септембра 1771 Іоанн Брадач (1768 – 1772). У 18. сторочу римокатолицькы єпіскопы з Яґру зачали собі нароковати міць над мукачовскыма єпіскопами, котрых поважовали за своїх обрядовых вікарїв. На просаджованя своїх цїлїв не вагали поужыти і воєньску силу. Сітуацію вырїшыв засяг Марії Терезії, на єй рекомендацію папа римскый выдав споминану булу. У роцїм 1780 єпіскоп Андрій Бачіньскый  перенїс центер Мукачовской єпархії до Ужгорода. На кінци 18. стороча ся із Мукачовской єпархії зачали поступно вычленёвати новы єпархії, бо єй первістна теріторія была барз розсягла. В роцї 1818 з нёй взникла і Пряшівска ґрекокатолицька єпархія.