19. 4. 2020: Пендлеры мусять од мая предложыти при вступі до СР неґанівный тест COVID-19

Братїслава 17. апріля 2020 (SITA) Пендлеры (позн. ред.: люде, котры часто переходять через словацькы граніцї, бо в пригранічу роблять або жыють) будуть мусити при каждім вступі на теріторію Словакії указати неґатівный тест на хворобу COVID-19, котрый не сміє быти старшый як 30 днїв. Тота подмінка буде платна од 1. мая 2020. О тім кроку вырїшыв Централный крізовый штаб і на пресконференції о нїм інформовав главный гіґіеник СР Ян Мікас.Тесты так будуть мусити пендлеры обновлёвати каждый місяць. Мікас тыж указав на то, же в припадї пендлерів ся не односить рїшіня о повинній карантенї лем у тых, котры доходять до діштанції 30 кілометрїв поземнов комунікаціёв, не воздушнов лініёв.

Єдночасно особы, котры приходять із заграніча і зо здравотных причін не мають быти умістнены до повинной карантены, мусять указати потверджіня од доктора у двох екзеларах о тім, же їх здравотный став належыть до обмеджіня. Іде наприклад о особы з онколоґічнов хворотов або жены в тяжи. При вступі на теріторію Словакії мусять указати тыж у двох екзепларах выслїдок неґатівного тесту на Covid-19, не старше як 48 годин. Кедь тоты два условію сповнять, не підуть до штатной карантены, але до домашнёй ізолації. Главный гіґіенік тыж інформовав, же особы, котры не мають на Словакії догоду о даню здравотной старостливости, мусять дати вістку о даню до ізолації містному докторови самосправного края.

До карантены тыж подля Мікаса не підуть особы, котры мають тырвале перебываня або дочасне перебывыня в СР і роблять як здравотницькы робітници в Югоморавскім, Зліньскім, Морасвскослезькім або Оломоуцкім краю в Чеській републіцї. Подмінков при каждім вступі на теріторію Словакії є тыж указати неґатівный тест на Covid-19 не старшый як 48 годин. Тото наряджіня буде платне од понедїлка, 20. апріля 2020. Председа влады СР Іґор Матовіч тыж увів, же Міністерство здравотництва СР дістало за задачу забечіти здравотну службу у вшыткых карантенных центрах. Міністерство загранічных дїл має переробити формулар, на котрім ся  наголошують люде, котры хотять прийти на Словакію. Мають быти інформованы, же ся мусять наголосити 72 годин допереду. Кедь потім дотримуть день і час приходу на гранічный переход, будуть выбавлены наперед. Главный гіґіеник має тыж выробитьи точный мануал як забезпечіти охрану людей у домах соціалной старостливости. „Найтяжшым проблемом на Централнім крізовім штабі быв тот, же є много ромскых осад на Словакії, де є мого людей, котры суть позітівно тестованы,‟ закінчів Матовіч.

Портал Уряду влады СР, перетлумачів із словацького языка, звыразнив писмо і додав фотоґрафіяю: А. З.

Script logo