19. 3. 2020: „ Дуже люблю робити з нашыма людьми, нелем з містькыма… “ Віктор Крамаренко

  • • Віктор Крамаренко – председа Вседержавной русиньской самосправы.

    • Віктор Крамаренко – председа Вседержавной русиньской самосправы.

  • • Табла центра Вседержавной русиньской самосправы в Будапештї.

    • Табла центра Вседержавной русиньской самосправы в Будапештї.

Представляме 3-тю часть із серії інтервю з Мадярьска. Днешнїй розговор быв записаный в просторах Вседержавной русиньской самосправы в Мадярьску з ёго председом Віктором Крамаренком.

А бісїдовало ся о сістемі русиньскых самосправ і їх функції, окрем того, дізнали сьме ся о традіціях і културнім жывотї Русинів Мадярьска.

В Мадярьску єствує 45 русиньскых самосправ. Самомправы суть сконцентрованы нелем у великых містах такых, як Будапешт, Мішколц, Пейч, Дебрецин, а і в такых малых селах як Мучонь і Комлошка. Окрем того, є там зареґісторваных сім русиньскых обществ і єден союз. Централнов є Вседержавна русиньска самосправова з центром у Будапештї.

Віктор Крамаренко – председа Вседержавной русиньской самосправы. Родак із міста Берегово на Підкарпатю. Од 1982-го року, з малыма перервами, жыє в Мадярьску з родинов. У 2010-го року прикапчав ся к русиньскому руху в Будапештї в 14-ім районї і став там председом самосправы. А у 2014-ім роцї в осени першый раз быв выбраный председом Вседержавной русиньской самосправы. В данім часї од 2019-го року выповнює свій другый період.

Каріна МУЛЯР, ЛЕМ.фм

Script logo