18. 7. 2021:У новим „Руским слове”

НОВИ САД – У 29. числу новинох „Руске слово” у рубрики „Тижньовнїк” представени нови проєкт Заводу за културу войводянских Руснацох, а звит зоз схадзки СО Кула, Рочней скупштини пензионерох у Коцуре, як и о пестованю лїковитих рошлїнох у Шидзе мож пречитац у рубрики „Нашо места”.

„Економия” пише о видзеню коцурских продуковательох и одкупйовачох жита о тогорочним урожаю, а ту и напис о Польопривредним сайму „Аґро Сирм 2021” у Сримскей Митровици.

„Мозаїк” дава звит зоз тогорочного Еґзиту, а „Култура и просвита” зазначела додзельованє припознаньох Дружтва за руски язик, литературу и културу школяром у Руским Керестуре, пририхтованя за Фестивал рускей култури „Червена ружа” и Фестивал „Мелодиї Руского двору”.

На бокох „Духовного живота” пише як преславени Кирбай у Новим Садзе и Змаєве и о початку роботи лєтней дзиячкей школи у Дюрдьове, а на бокох рубрики „Людзе, роки, живот” представена Геленка Шобан зоз Осєку и Янко Тома зоз Кули.

„Спорт” дава звит зоз Ноцного турнира у малим фодбалу у Руским Керестуре, а ту и напис о законченю сезони ФК „Русин”. У „Трецим полчаше” представени Владимир Лазор зоз Кули.

На остатнїх бокох у новинох находзи ше рубрика з рецептами „Хладок и горуци тепши”, а як додаток вишло „Руске словечко”.

Я. ДЮРАНЇН, РутенпреС

(Публікуєме в оріґіналї – войводиньскім варіантї русиньского языка.)