17. 4. 2020: Інфектолоґ Крчмері: „Школы і школкы бы ся могли зачати отваряти.‟

Братїслава 16. апріля 2020 (TASR) – Помалы бы ся могли зачати отваряти школкы і першы ступнї основных школ. Думать сі то член перманетного крізового штабу Владімір Крчмері (на фотцї). Премєр Іґор Матовіч (OĽaNO) але говорить, жебы ся мали рїшати іншы проблемы, як є отваряня школок. Повіли то перед засїданём централного крізового штабу.

Прічінов, чом хоче Крчмері отваряти школкы, є то, же многы родічі, котры роблять як здравотны сестр ці докторы, мусять быти дома в рамках страростливости о члена дому. Суть то професії, котры подля Крчмерія „будеме потребовати‟.

Европосланець Петер Поллак (OĽaNO) спомянув, же цїлково отестовали 110 ромскых осад, з того в 14-ёх ся підтвердила хворота COVID-19. В ромскых осадах то подля Матовічовых слов може ся іщі розгорїти. „Днесь є можно половина ромскых осад  позітівных. Думам сі, жебы сьме  мали рїшыти іншы проблемы, як отваряня школок,‟ підкреслив премєр. Матовіч тыж повів, же на засїданя крізового штабу приходить з дуже важныма кроками.

Міхал НОВАК, „Východoslovenský reportér‟, переклад із словацького языка і звыразнїня писма: А. З.

Script logo