16. 5. 2019: Першыраз конференція о русиністіцї і першый реферат у русиньскім языку в Чінї
• Доц. ПгДр. Анна Плїшкова, ПгД., з Інштітуту русиньского языка і културы Пряшівской універзіты в Пряшові (Словакія). Єй реферат у русиньскім языку першыраз прозвучіть у Чінї.
Дахто собі може подумати, же то фіґлї, але є то реалность. Чанчуньска універзіта у Чанчунї у Чіньскій народній републіцї орґанізує на 10. юна 2019 в авдиторії Інштітуту чуджіх языків споминаной універзіты научну конференцію під назвов Русины і русиньскый язык у сучаснім світї.
На тій конференції буде прочітано о русиністіцї 12 рефератів од різных научных працовників із різных країн, го главно з Чіны. Треба підкреслити, же спомянута універзіта попросила доц. ПгДр. Анну Плїшкову, ПгД., о реферат в русиньскім языку. Она з тым была согласна і так притомны науковцї і публіка будуть реферат у русиньскім языку чути як єдиный.
Конкретный проґрам є в прилозї.
