15. 6. 2020: Став нужды ся скінчів

 Став нужды  ся скінчів 13. юна 2020. Ку тому датуму ся зрушыла робоча повинность забезпечіня выкону здравотной  старостливости, так істо заказ аплікації права на штрайк. Став нужды влада СР выголосила од 15. марця 2020.

Міморядна сітуація, котра была выголошена резолуціёв влады із 11. марця 2020, але тырвать надале і по скінчіню ставу нужды.

Став нужды односить ся на:

• властників поволїня на реалізацію захранной здравотной службы

• властників поволїня на реалізацію транспортной здравотной службы

• Уряд про догляд над здравотнов старостливостёв

• правницькы і фізічны особы, котры мають „ÚDZS‟ договор о забезпечіню выконованя проглядкы мертвых тїл

• правницькы і фізічны особы, котры реаылізують погребну службу

• Операчный центер здравотной службы СР

• реґіоналны уряды верейного здравотництва

• домы соціалных служеб, в котрых ся реалізує і здравотна старостливости.

Штат хоче хранити сеніорів, котры суть в припадї пандемії коронавірусу найогроженїшов ґрупов людей. Уряд верейного здравотництва СР єдночасно скінчіть діятельство денных стаціонарїв і про соціалны інштітутції выдасть гіґіенічны правила.

Здрой: Інтернетова сторінка „ВЕТА‟, адреса: korona.gov.sk, переклад зо словацького языка: А. З.

Script logo